State bank of India rule नमस्कार मित्रांनो भारत सरकारने महिला सक्षमीकरणासाठी विविध योजना राबवलेल्या आहेत. अशाच योजनांपैकी भारत सरकारच्या बेटी बचाव बेटी पढाव या अभियानाचा एक महत्त्वाचा भाग म्हणजे सुकन्या समृद्धी योजना. ही योजना केंद्र सरकारने मुलींच्या उज्वल भविष्यासाठी चालू केलेली आहे. सुकन्या समृद्धी योजना ही एक बचत योजना आहे. ही योजना बनवताना केंद्र सरकार चे लक्ष हे मुलींचे शिक्षण आणि लग्नासाठी आर्थिक तरतूद असावी आणि त्यांची पैशांची बचत व्हावी या हिशोबाने ही योजना सुरू केली आहे.
या योजनेचा लाभ घेण्यासाठी तुम्ही भारतातील सर्व नॅशनलाईज बँकांमधून अर्ज करू शकता. तसेच पोस्ट ऑफिस मधून सुद्धा या योजनेसाठी तुम्ही अर्ज करू शकता. भारतामधील सर्वात मोठी सरकारी बँक म्हणजे एसबीआय या बँकेत सुद्धा तुम्ही अर्ज करू शकता. SBI बँकेमध्ये अर्ज कसा करायचा संपूर्ण प्रोसेस काय असेल त्याची माहिती घेऊ.
Sukanya samriddhi yojana सुकन्या समृद्धी योजना (SSY) काय आहे?
- सुकन्या समृद्धी योजनेअंतर्गत पालकांना त्यांच्या मुलींसाठी आर्थिक सुरक्षितता तयार करता येते. ते त्यांच्या शिक्षणासाठी आणि लग्नासाठी पैसे साठवून ठेवू शकतात. त्यामुळे ही एक छोटी बचत योजना आहे.
- या योजनेमध्ये तुम्ही नियमितपणे पैसे जमा करू शकता. दर महिन्याला किंवा वर्षाकाठी तुम्ही या योजनेमध्ये पैसे गुंतवू शकता.
- या योजनेतील पैसे तुम्हाला मुलीचे वय 18 वर्ष किंवा 21 वर्षे पूर्ण झाल्यानंतर मिळते.
- जेणेकरून हे पैसे तुम्ही तिच्या लग्नासाठी किंवा उच्च शिक्षण घेण्यासाठी वापरू शकतात.
पैसे गुंतवण्याची सुरुवात कशी करावी How to invest
SBI बँकेच्या द्वारे सुकन्या समृद्धी योजनेचे खाते उघडणे खूप सोपे आहे. या योजनेसाठी तुम्हाला एसबीआय मध्ये खाते उघडण्यासाठी काही कागदपत्रे जमाय करावी लागतात त्या कागदपत्रांची यादी खालील प्रमाणे दिली आहे.
- पहिला कागद म्हणजे मुलीचा जन्म दाखला. जन्म दाखल्याची तुम्हाला मूळ प्रत आणि एक झेरॉक्स जमा करावी लागेल.
- पालकांचे म्हणजेच आईचे किंवा वडिलांचे किंवा कायदेशीर जर कोणी दुसरे पालक असतील तर त्यांचे ओळखपत्र तुम्हाला जमा करावे लागतील.
- ओळखपत्रांमध्ये तुम्ही आधार कार्ड, पॅन कार्ड, पासपोर्ट, ड्रायव्हिंग लायसन्स, या गोष्टी जमा करू शकतात. यांची पण तुम्हाला एक झेरॉक्स सोबत ठेवावी लागेल.
- त्यानंतर पालकांचेच म्हणजे आईचे किंवा वडिलांचे किंवा जे कायदेशीर पालक असतील त्यांचा पत्त्याचा पुरावा तुम्हाला जमा करावा लागेल. पत्त्याचा पुरावा जमा करतानी तुम्ही आधार कार्ड, पासपोर्ट, विज बिल, पाणी बिल, अशा कागदांची मदत घेऊ शकता.
- तुम्हाला इथे मुलगी आणि पालकांचे सध्याचे असलेले पासपोर्ट साईज फोटो जमा करावे लागतील.
- तुम्हाला एसबीआय बँकेमध्ये जाऊन तिथे उपलब्ध असलेल्या अर्ज भरावा लागेल आणि त्यासोबत ही वरील कागदपत्रे जोडावी लागतील.
योजनेची काही वैशिष्ट्ये
- या योजनेसाठी तुम्हाला खातो उघडायचा असेल, तर मुलीचे वय हे 10 वर्षांपेक्षा कमी असणे आवश्यक आहे.
- एका कुटुंबामध्ये तुम्ही जास्तीत जास्त दोन मुलींसाठी या योजनेचा लाभ घेऊ शकता.
- जर घरामध्ये जुळ्या किंवा तिळ्या मुली जन्माला असतील तर अशा वेळेस ह्या नियम अपवाद असू शकतो.
- या योजनेमध्ये तुम्ही कमीत कमी वर्षाला अडीचशे रुपये तर जास्तीत जास्त वर्षाला दीड लाख रुपयांपर्यंत पैसे जमा करू शकतात.
- एकदा तुम्ही खाते उघडल्यानंतर तुम्हाला या योजनेमध्ये कमीत कमी पंधरा वर्षे पैसे जमा करावे लागतील.
- या योजनेमध्ये तुम्ही खाते उघडल्यापासून ते 21 वर्षे पूर्ण होईपर्यंत किंवा मुलीचे 18 वर्षे पूर्ण झाल्यानंतर हे खाते परिपक्व होईल.
करमुक्त योजना Tax-free plan
या योजनेसाठी केंद्र सरकारतर्फे व्याजाचा दर निश्चित केला जातो आणि हा दर दर तीन महिन्यांनी बदलतो. परंतु या योजनेसाठी अधिका अधिक व्याजदर दिले जाते. या योजनेला बाकीच्या सर्व सरकारी योजनांपेक्षा जास्त व्याजदर आहे. या योजनेमध्ये जर तुम्ही भाग घेतला तर तुम्हाला आयकर कलम 80 सी या अंतर्गत करमुक्त आहे.
या योजनेमधून तुम्हाला जी टाईम पिरेड पूर्ण झाल्यानंतर जे रक्कम मिळणार आहे आणि व्याज मिळणार आहे दोन्ही गोष्टी करमुक्त असणार आहेत. तुम्ही मुलीचे वय 18 वर्षे पूर्ण झाले नंतर किंवा दहावी झाल्यानंतर उच्च शिक्षणासाठी 50% रक्कम तुम्हाला या खात्यातून काढता येते.
तुम्हाला जर काही कारणास्तव एका बँकेतून दुसऱ्या बँकेत हे जर खाते वळवायचे असेल किंवा पोस्ट बँके मधून एका बँकेतून दुसऱ्या शाखेमध्ये जर खाते वळवायचे असेल तर वळवू शकतात.
Benefits of Sukanya Samriddhi Yojana. सुकन्या समृद्धी योजनेचे फायदे पाहूया
- या योजनेअंतर्गत जर तुम्ही गुंतवणूक केले तर तुम्हाला सर्वाधिक व्याजदर मिळतो. व्याजदर चांगला असल्याने तुमच्या बचतीच्या रक्कमेंमध्ये मोठी वाढ होत जाते.
तसेच या योजनेमधून मिळणारा परतावा आणि व्याज हे दोन्ही करमुक्त असल्याने तुम्हाला याचा मोठा फायदा होतो. - ही योजना 100% सुरक्षित आहे यामध्ये कोणतीही फसवणूक केली जाणार नाही. कारण ही योजना केंद्र सरकारतर्फे राबवली जाते. त्यामुळे तुमची गुंतवणूक शंभर टक्के सुरक्षित असते.
- या योजनेत तुम्ही गुंतवणूक कराल तर ही योजना तुम्हाला मुलीच्या उच्च शिक्षणासाठी आणि लग्नासाठी आर्थिक सुरक्षितता प्रदान करते.
- या योजनेचा लाभ घेतला तर तुम्हाला बचत करण्यासाठी शिस्त लागते.